केयूया कर्मचारीयात क्वाटर त्वःतेत ख्याच्वः

भ्वँत (सन्ध्या टाइम्स) / थनया काठमाडौं विश्वविद्यालयया कर्मचारीतय्त उपिं च्वनाच्वंगु क्वाटर त्वःता हुँ धकाः स्थानीय जनतां ख्याच्वः बिउगु दु । उगु विश्वविद्यालय अन चायेकूगु इलय् स्थानीय जनतायात थीथी कथंया सुविधा बीगु धकाः यानातःगु सम्झौता छगू हे लागू मयाःगु कारणं अन विश्वविद्यालय हे तयेगु मखु धकाः स्थानीय जनतां थ्व आन्दोलन शुरु याःगु खः । थुकिं यानाः अन ब्वनेज्या तकं प्रभावित जुयाच्वंगु दु ।