रामहरि श्रेष्ठया हत्यारा ज्वनेत ज्ञापनपत्र
यें (सन्ध्या टाइम्स) / कोटेश्वरय् च्वंम्ह व्यापारी रामहरि श्रेष्ठया हत्यारायात माओवादीतय्सं सुरक्षा बियातःगु कारणं वयात याकनं ज्वनाः कारवाही यायेमाल धइगु माग यासें वया छेँजः व स्थानीय त्वाःबाःयापिं मनूतय्सं थौं प्रधानमन्त्री माधव नेपालयात नापलानाः छगू ज्ञापनपत्र बिल । न्यागू बुँदा दुगु उगु ज्ञापनपत्रय् मदुम्ह रामहरियात सहिद घोषणा यायेमाःगु वय्कःया हत्या सम्बन्धी छानबिनया प्रतिवेदन सार्वजनिक यायेमाःगु माग यानातःगु दु ।
