प्रधानमन्त्रीया थःगु हे वेबसाइट

नेपाःया राजनैतिक व्यक्तित्वतय् थःगु व्यक्तिगत वेबसाइट दयेकेगु 'व्हीम' न्ह्याःगु दु । थ्व हे क्रमय् प्रम माधवकुमार नेपालया व्यक्तिगत वेबसाइट म्हिगः सोमवाः लन्च जूगु दु । प्रम नेपालया ज्याझ्वः, किपा, न्वचु आदि दुथ्याका तःगु वय्कःया साइटया एड्रेस www.madhavnepal.com खः ।

नेपाःया राजनैतिक व्यक्तित्व मध्यय् डा. बाबुराम भट्टराईया वेबसाइट www.baburambhattarai.com गाक्कं लोकं व्हानाच्वंगु दु । थुगु साइटया अपडेट नं बांलाः जू । डा. भट्टराईं थःगु फेसबुक अकाउन्ट बन्द यानाः जनसाधारणलिसे सम्पर्क याना च्वनेत छुं ई न्ह्यः थुगु साइट चायेकूगु खः । नेकपा माओवादी अध्यक्ष व भूपु प्रम पुष्पकमल दाहाल प्रचण्डं नं छुं ई न्ह्यः थःगु साइट www.cmprachanda.com लन्च याःगु खः । थ्व ब्लग च्वयागु इलय् थुगु वेबसाइट चायेकेत स्वयाबलय् धाःसा सर्भरया इरर क्यनाच्वंगु दु ।

More Stories Like this