स्वर्णज्योतीया प्रारम्भिक साधारण सभा
येँ / (सन्ध्या टाइम्स) स्वर्णज्योती बचत तथा ऋण सहकारी संस्था लि।या प्रारम्भिक साधारण सभा आः नकतिनि संस्थाया ज्याकू चिकंमुगलय् तदर्थ संचालक समितिया अध्यक्ष शिवशंकर श्रेष्ठया सभापतित्व क्वचाल ।
मूपाहां कथं स्थानीय वयोवृद्ध भाजु गोविन्दभक्त प्रधान झायादीगु ज्याझ्वलय् उपाध्यक्ष अमूल्यरत्न ताम्राकारं लसकुस यानादीगु खःसा् आर्थिक सल्लाहकार भुपेशलाल श्रेष्ठं आर्थिक प्रतिवेदन न्ह्यब्वयादीगु खः ।
उगु सभां संचालक समितिइ सुरेशलाल श्रेष्ठ अध्यक्ष दिपकरत्न ताम्राकार उपाध्यक्ष अनेश श्रेष्ठाचार्य सचिव व शिवशंकर श्रेष्ठयात कोषाध्यक्ष पदय् ल्यःगु दुसा दुजलय् छसिकथं मय्जु विनु श्रेष्ठ प्रदिपकुमार राजभण्डारी व रुकेश तुलाधरिपंत ल्यःगु दु ।
अथे हे लेखा समितिया संयोजकय् राजुकुमार श्रेष्ठयात ल्यःगु दुसा दुजलय् सागर श्रेष्ठ व अनुप जागृतयात ल्यःगु दु ।
