सरकार १००दिंया ज्याझ्वः ह्येगु तयारीइ : गच्छदार

उपप्रधानमन्त्री विजयकुमार गच्छदारं जनतायात तत्काल परिवर्तनया अनुभूति बीत सरकारं १००दिंया ज्याझ्वः ह्येत्यनाःगु जानकारी बियादिल ।

सोमवा: एमाले नेता केपी शर्मा ओलीयात नापलायेत ख्वपय् च्वंगु ओली निवास थ्यंकादिम्ह गच्छदारं उकीयात निंतिं सरकारं गृहकार्य यानाच्वंगु जानकारी संचारकर्मीतय्त बियादिल । वयेकलं संचारकर्मीत नाप खँल्हानादिसें सरकारं छुं न्हिया दुने हे थ्व ज्याझ्वः सार्वजनीक याइगु धयादिल । अथेहे वयेकलं सरकारया प्रमुख लक्ष्य देशय् शान्ति सुरक्षाया प्रत्याभूति यायेगु धयादिल ।

एमाले नेता ओली नापया खँल्हाबंलाय् सरकारया ज्या प्रभावकारी देयेकीगु विषयस सत्ता गठबन्धनयात थप बल्लाकेमाःगु खँय् सहलह जूगु खः ।