द्यःलातय् राजनीतिक माच चायेकल
येँ (सन्ध्या टाइम्स) / द्यःला जातियात राजनीतिक रुपं जागरण यायेगु उद्देश्यं वंगु शुक्रबाः नेपाल द्यःला पोडे उत्थान माचया ज्याकूया उलेज्या सभासद् हिसिला यिमं यानादिल । माचया अध्यक्ष राधेश्याम पोडेया सभापतित्वय् न्ह्याःगु ज्याझ्वलय् माचया सचिव सुरेन्द्र द्यःलां माचया अवधारणा न्ह्यब्वयादीगु खः । ज्याझ्वलय् पाहांपि नेवाः देय् दबूया संरक्षक मल्ल. के सुन्दर नेवाः न्ह्यलुवाया नायः नरेशवीर शाक्य नेपाल राष्ट्रिय मानव अधिकार सरोकार केन्द्रया नायः मुक्ति प्रधान नेकपा माओवादी नेवाः राज्य सेक्रेटरी दिलिपकुमार प्रजापति व दलित मुक्ति मोर्चाया अध्यक्ष तिलक परियारिपंसं नं थःथःगु नुगःखँ प्वंकादीगु खः ।
