ख्यातीया हत्यारातय्त आक्रमण
येँ (सन्ध्या टाइम्स) / ख्याती श्रेष्ठया हत्याया अभियुक्त वीरेन श्रेष्ठ व मेरिना शाक्ययात थौं सर्वसाधारण जनतां आक्रमण यात ।
ख्याती श्रेष्ठया अपहरण लिपा हत्याया द्वपनय् प्रहरीं ज्वनातःपिं निम्हेसितं थौं म्याद थप यायेत बबरमहलया सीडीओ ज्याकू यंकाच्वंगु इलय् उमित आक्रमण याःगु खः ।
अदालत परिसरं याउँक न्हिलाः पिहां वयाच्वंम्ह मेरिना शाक्ययात ख्यातीया छेँजःपिंसं आक्रमण याःगु खःसा वीरेन श्रेष्ठयात सर्वसाधारण जनतां आक्रमण याःगु खः ।
सर्वसाधारण जनतां उमित आक्रमण यायेवं प्रहरीयात तकं उमित बचे यायेत थाकुगु खँ प्रहरी अधिकारीतय्सं धाःगु दु । थ्व ध्वः च्वनाच्वनागु इलय् तक उमित सरकारी वकिलया ज्याकुथी यंकाः बयान कायेगु ज्या न्ह्यानाच्वंगु दु ।
ख्यातीया अपहरण लिपा हत्यायात कयाः सर्वसाधारण जनतां नं चिउताः तयाच्वंगु खँ प्रहरीं धाःगु दु ।
