न्ह्यगू न्हूगु आयोग प्रस्ताव
संविधानसभा संवैधानिक निकायया संरचना निर्धारण समितिं संविधानय् झिंछगू संवैधानिक आयोग तयेगु प्रस्ताव याःगु दु ।
आइतवाः थःगु अवधारणपौ व प्रारम्भीक मस्यौदा संविधानसभाया बैठकय् पेश याःगु समितिं प्रस्ताव याःगु आयोगय् न्ह्यगू आयोग धाःसा न्हूगु आयोग खः । समितिं संघिय संरचनायात ध्यानय् तया अख्तियार दुरुपयोग अनुसन्धान आयोग, लेखा परिक्षण आयोग, लोकसेवा आयोग, निर्वाचन आयोग, मानवअधिकार आयोग, महिला आयेग, दलित आयोग, आदिवासी तथा जानजाति आयोग प्रस्ताव याःगु दु ।
अथेहे अपांग जुपिं, अल्पसंख्यक एवं सिमान्तकृत समुदाय व पिछडा वर्ग व क्षेत्रया हित संरक्षण आयोग, मधेसी आयेग, मुश्लिम आयोग गठनया निंतिं प्रस्ताव याःगु दु ।
आयोगय् समानुपातिक प्रतिनिधित्व व समावेशीताया आधारय् अध्यक्ष व निम्ह दुजः नियुक्ति यायेमाःगु प्रस्ताव नं अवधारणपौलय् न्ह्यथंनातःगु दु ।
समितिया सभापति गोविन्द चौधरीं प्रतिवेदन तयारीया झ्वलय् प्राप्त पीद्वं सुझावत अध्ययन याना:गु जानकारी बैठकय् बियादिल । समितिया अवधारणा सर्वसम्मत तयार यासां कार्यक्षेत्र निर्धारण याःगु ईलय् संवैधानिक निकाय संघीय स्वरुपय् जुइगुलिं राष्ट्रिय जनमोर्चाया सभासद् मिरा पुन व संघीय आयोग तःगुलिं एमाले सभासद भानुभक्त जोशीं फरत मत तःगु खः ।
थ्वस्वयां न्ह्यः राष्ट्रिय हित संरक्षण समिति, अल्पसंख्इक व सिमान्तकृत समिति व सामाजिक ऐक्यबद्धता समितिं पेश याःगु अवधारणापौलय् संविधानसभाया बैठकय् सहलह जुइधुंकूगु दु ।
