व्यवस्थापिका संसदया बैठक स्थगित
by newanuga
Posted on Sun Jul 5, 2009 4:55 pm NST
ताः ई निसें अवरुद्ध व्यवस्थापिका संसदया बैठक आइतवाः नं सूचं तिका सोमवाः तकया निंतिं स्थगित जूगु दु । मेगू बैठक सोमवाः स्वताः ईलय् च्वनीगु जूगु दु ।
आइतवाः सुथय् एमाले व माओवादी दथुइ माओवादीं अडान कयाच्वंगु राष्ट्रपतिया पलाःयात कयाः प्रधानमन्त्रीं संसदय् सम्बोधन यायेमाःगु माग प्रति एमाले सकारात्मक जुइवं आइतवाः संसदया गतिरोध अन्त्य जुइगु सम्भावना अप्वःगु खसां बैठकय् थप सहमति जुइमफुलिं थौंया संसद बैठक नं स्थगित यायेमाःगु खः ।
