एमाले-माओवादी बैठक समारात्मक
संसद गतिरोध अन्त्य यायेत च्वंगु नेकपा (एमाले) व एकीकृत नेकपा (माओवादी)या बैठक सकारात्मक जूगु खँ नेतातय्सं धाःगु दु ।
आइतवाः सिंहदरवारया एमाले संसदीया दलया ज्याकूथी च्वंगु बैठकय् ब्वति कापिं नेतातय्सं बैठक सकारत्मक जूगु खँ धाःसां सहमति धाःसा मजूनी । एमाले अध्यक्ष झलनाथ खनालं बैठक सकारात्मक जूगु प्रतिकृया बियादिसें सहमतिया कुतः जारी दुगु धयादिल । अथेहे माओवादी संसदीय दलया उपनेता नारायणकाजी श्रेष्ठ 'प्रकाशं' न्हापाया स्वयां थौंया बैठकय् छुं प्रगति जूगु धासें आः सहमतिया निंतिं कांग्रेस व एमाले च्वना थप सहलह याइगु धयादिल ।
बैठकय् माओवादीं प्रधानसेनापतिया पुर्नबहालि यायेत राष्ट्रपितं ल्ह्वंगु पलाःयात दुथ्याकाः प्रधानमन्त्रीं संसदय् सम्बोधन यायेमाःगु व राष्ट्रपतिया पलाःया बारे संसदय् सहलह याकेबीमाःगु खँ तःगु खः ।
एमालें प्रधानमन्त्रीया सम्बोधनय् माओवादीं ल्ह्वंगु राष्ट्रपितया पलाःया विषय दुथ्याकेगु सहमति यासां संसदय् सहलह यायेगु विषयस निगू दलत दथुइ सहमति जुइमफुत । बैठकय् माओवादीं पार्टी दुने थप आन्तरिक सहलह यायेत ई फ्वनेवं थौंया बैठक नं बिना निष्कर्ष क्वचाःगु खः । <
