तिब्बत विरोधी गतिविधिइ रोक
by newanuga
Posted on Sun Jul 5, 2009 4:50 pm NST
नेपाल सरकारं तिब्बत विरोधी गतिविधिइ प्रतिबन्ध याःगु दु । आइतवाः गृहमन्त्रायं छगू प्रेस विज्ञप्ति पिथंसें नेपाःया मित्र राष्ट्र चीनया स्वशाशित क्षेत्र तिब्बत विरोधी प्रदर्शन याये मदुगु खँ न्ह्यथंनातःगु दु । विज्ञप्तिइ तिब्बत विरोधी ज्या मयायेत इनाप यासें सुनां नं यासाः उमित कारवाही यायेगु चेतावनी बियातःगु दु ।
सोमवाः स्वतन्त्र तिब्बत आन्दोलनया नेता दलाइ लामाया ७४क्वःगु बुदिँया लसताय् तिब्बत विरोधी प्रदर्शन जुइफुगु खँयात मध्यनजर यानाः मन्त्रालं थंज्याःगु सूचं पिथंगु खः ।
नेपालय् स्वतन्त्र तिब्बतया माग तयाः ईलय् ब्यलय् जुयाच्वंगु प्रदर्शनयात कयाः चीन सरकारं च्यूता प्वंकावयाच्वंगु दुसाः नेपालं थः चीन विरोधी गतिविधि नेपालय् जुइमबीगु व नेपालं 'एक चीन निति'यात न्हावलें नं समर्थन यानावयाच्वंगु खँ धयावयाच्वंगु दु ।
