संसद अवरोध 'बार्गेनिङ्ग' जक : कोइराला
by newanuga
Posted on Sat Jul 4, 2009 8:49 pm NST
नेपाली कांग्रेसया सभापति गिरिजाप्रसाद कोइरालां माओवादीं व्यवस्थापिका संसदय् यानाच्वंगु अवरोध माओवादीया 'बार्गेनिङ्ग' जक जूगु टिप्पणी यानादीगु दु । वयेकलं सरकारया नीति व ज्याझ्वः सहितया बजेट वइगु दाबी यानादिसें संसद सुचारु यायेगु खँय् माओवादी याकनं हे सहमतिइ वइगु धयादिल ।
कांग्रेस वरिष्ठ नेता शेरबहादुर देउवां थःगु हे छेँ भुइजसिइ कांग्रेस सभासदतय् निंतिं यानादीगु चियापान ज्याझ्वलय् सभापति कोइरालां नेपाली कांग्रेस आः एकताबद्ध जुयां न्हूगु रुपं सञ्चालन जुइगु धयादिल ।
अथेहे ज्याझ्वलय् कांग्रेस वरिष्ठ नेता देउवां कांग्रेस दुने सद्धभाव व मैत्री स्थापना यायेत चियापानया ग्वसाः ग्वःयाःगु खँ धयादिसें आः कांग्रेस एकताबद्ध जुयावनीगु विश्वास प्वंकादिल ।
