मोतिलक्ष्मीया नामय् निगू सफू

येँ / (सन्ध्या टाइम्स) देय्याम्ह हे न्हापांम्ह मिसा बाखं च्वमि मय्जु मोतिलक्ष्मी उपासिकाया सछिदँ बुन्हिया लसताय् लाकाः च्वमि शान्तराज शाक्यया निगू सफू पिहां वःगु दु । 'चित्तय् चित्तधर ह्दय' व 'पिहां मवःनिगु बाखं' नांगु उगु निगुलिं सफू वय्कलं मोतिलक्ष्मीयात लुमंकुसें थुगुसी पिथनादीगु खः । मोतिलक्ष्मीया सछिदँ बुन्हिया लसताय् कन्हय् शनिवाः सुथय् ६ बजे बसन्तपुलिं छगू र्‍याली पिकायेत्यंगु दुसा न्हिनय् १ बजे परोपकार उमाविइ मू ज्याझ्वः याइगु ग्वसाः दु ।