किपू नपाय् तालाबन्दी
किपू / (सन्ध्या टाइम्स) किपूया सहिदपिनि झ्वाता दयेकेत न्हापा बी धाःगु ध्यबा मबिउगु द्वपं बिसें थौं किपू नगरपालिकाय् तालं ग्वया बिउगु दु । स्थानीय देवध्वाखाय् सहिदपिनि लुमंर्ति झ्वाता व सहिद पार्क दयेकेगु ज्या जुयाच्वंगु खः । उकिया लागिं थीथी थासं श्रोत मुंकाः ज्या नं शुरु यायेधुंकूगु दु । तर आः दथुइ वयाः नगरपालिकापाखें बीमाःगु बजेट निकासा मयाःगुलिं उगु पार्क दयेकेगु ज्याय् सकि्रय स्थानीय इन्द्रेणी परिवार क्लबं थौं नगरपालिकाय् तालं ग्वया बिउगु खः । थुकिं यानाः कर्मचारीत दुने वने मखनाः नपाया ज्याय् लिच्वः लाःगु दु ।
