नानीमैंयायात मोतिलक्ष्मी सिरपाः
येँ / (सन्ध्या टाइम्स) नेपालभाषा परिषदं निदँय् छक्वः बीगु याना वयाच्वंगु 'मोतिलक्ष्मी सिरपाः' थुगुसी नेपालभाषाया च्वमि अनुवादक व बौद्ध उपासिका नानीमैंया मानन्धरयात बीगु जूगु दु । थुगुसी बीत्यंगु थ्व प्यक्वःगु सिरपाः खः । मोतिलक्ष्मी उपासिकाया सछिदँ बुदिंया ज्याझ्वः कुन्हु परोपकार उच्चमाविइ जुइगु मू ज्याझ्वलय् उगु सिरपाः देछाइगु खँ परिषदं धाःगु दु । सिरपाः झिंन्याद्वः तका व दसिपौयागु खः ।
