छ्यं धस्वाकि

कृष्णराम स्यस्य

झीगु जीवन निन्हु जक खः
छाय् ग्यानाः म्वायेगु
छाय् छ्यं क्वछुकाः म्वायेगु
छ्यं धस्वाका जुइगु
झीगु अधिकार खः ।
अय् छ्यं क्वछुकाः म्वानाच्वंपिं
छु छिमिसं थथे यायेवं
तःदँ तःदँ तक म्वाइ ला
थथे याःपिं याकनं सिना वं ला
याकनं सिना वनीगु यइमखु ।
अय् छ्यं क्वछुकाः म्वानाच्वंपिं
छिपिं छ्यं धस्वाकाः दना वा
छिमित छ्यं क्वछुके बिउम्हेसित
छिमिसं छ्यं क्वछुके बिउ
छिपिं सकलें छप्पँ छधी जुयाः
अले जक छिपिं यक्व म्वाइ ।

- सक्व

More Stories Like this

छाय् थें
दया
सुकरात व बुरा
हस्ताक्षरया मू
सम्पादकं म्हसीके मफुम्ह महान बाखंच्वमि