छुं भौ खिचा व जिमि जःलाखःला

श्रीराम श्रेष्ठ

चा वः थें मचायेक

सुत्तुक्क वयाः जिगु भुतुली

नयाबी भौचां न्ह्याबलें न्ह्याबलें

मस्तय्त थुयातयागु हापु

वा छगू कराई सुनातयागु दुरु ।

करं क्यन थौं जितः

हारांम्ह खिचा लहीमाःगुया

खिचा दसांनिसें

भौचात बिसिउँ वन

तर छुँत धाःसा झन अप्वयावन ।



नये जिउगु नं नःगु दु

नये मजिउगु नं नःगु दु

थन तक कि छुँतय्सं

बिजुलिया तार तकं चचफुनाः

छेँ छखां जिगु खिउँका बिउगु दु ।



खिचाया न्ह्यःने

भौचा बिसिउँ वनीगु

भौचाया न्ह्यःने

छुँचात बिसिउँ वनीगु

छुँयात धाःसा खिचां लाये मफुगु ।

तिफ्याये मफयाच्वन थौ सुयात लहीगु

सुयात लमहीगु



यक्व हे दुःख बीधुंकल

छुँचातय्सं यक्व हे सास्ति याये धुंकल

भौचातय्सं

आः ला खिचा धाःपिं नं

वेंचाःया यक्व हे उयाः

हैरान यानाहये धुंकल ।



धायेमाःसा थौं तिनि चाल जिं

दक्वसिवें दुःख सास्ति व हैरानी ला

जिगु सीमाना त्यलाः

थन जिगु लिकसंया

जःलाखःलापाखें धकाः

जिक्व यानाच्वन ।

More Stories Like this

छाय् थें
दया
सुकरात व बुरा
हस्ताक्षरया मू
छ्यं धस्वाकि