जयश्री संगीत समाजपाखें डिभिडि विमोचन

जयश्री संगीत समाजपाखें 'द मुड अफ मिड' (The Moods of Meed) व पण्डित हरिप्रसाद चौरासिया 'लाइभ इन नेपाल' नां यागु निगू डिभिडि विमोचन या:गु दु ।

शनिवाः यल्लाे प्यागोडा हाेटलय् जुगू छगू ज्याझ्वःया दथुइ मुपाँहा व पाँहातय्सं मंकाः कथं उगु डिभिडि विमोचन यानादीगु खः ।

ज्याझ्वःलय् द मुड अफ मिडय् सितार थानादीम्ह हनेबःम्ह सितार वाधक उमा थापा व पण्डित हरिप्रसाद चौरसिया लाइभ इन नेपालय् तबला थानादीम्ह हनेबहःम्ह तबला बाधक रविन्द्रलाल श्रेष्ठयात हनेगु ज्या जूगु खः ।

ज्याझ्वलय् पाँहा कथं झायादीम्ह हनेबहःम्ह तबला बाधक होमनाथ उपाध्यायं नेपालय् नं अन्तराष्ट्रिय स्तरया कलाकार दुगू धाइगु प्रमाण कथं उगु डिभिडियात क्यनेफइगु धयादिल । नापं बाजं थायेगु ज्‍या जक प्रयाप्त मखूगुलि‌ लोप जुइत्यंगु बाजंयात नं लिपिबद्ध यायेमाःगु खँ नं वय्कलं कनादिल ।

मूपाँहापाखें त्वाःदेवाय् मत च्याकाः उलेज्या यानादीगु खःसा ज्याझ्वः जयश्री संगीत समाजया नायः लक्ष्मी डंगोलया नाइसुइ न्ह्याःगु खः । ज्याझ्वलय् लसकुस न्वचु मुछ्याजे रमेश डंगोलपाखें बियादिगु खः । अथेहे पाँहा कथं हनेबहःम्ह सितार बाधक ज्ञानुराधा गोरखाली, रामकृष्ण दुवाल व थीथी व्यक्तित्वया ब्वति दुगु खः ।

ज्याझ्वलय् जयश्री संगीत समाजया ल्हाःम्ह कलाकारतय्सं थःगु प्रतिभा क्यनेगु ज्या नं जुगू खः ।






किपा : जयश्री संगीत समाज

Related Stories

जय श्री संगीत समाजया ज्व:मदुगु ज्याझ्व:
पंण्डित श्री हरिप्रसाद चौरासिया लाइभ फाल्गुण ४ गते