प्रचण्डयात लँय् हे प्रदर्शन

उच्चस्तरिय राजनितिक संयन्त्रया नायः पुष्पकमल दाहाल प्रचण्डयात देसय् जुयाच्वंगु असहज परिस्थितियात याकनं सुथांलाकेमा धकाः ध्यानाकर्षया याःगु दु ।

किपुलिइ एमाओवादीं याःगु तुच्चा ज्याझ्वलय् ब्वति कायेत वःम्ह प्रचण्डयात थौं सुथय् किपूया ज्यापु महागुथिया इनापय् अमल्सिइ थीथी प्लेकार्ड ज्वना लँय् हे थ्व शान्तिपूर्ण प्रदर्शन याःगु खः ।

''आन्दोलनरत पक्षलिसें वार्ताया माध्यमं समस्या समाधान या '', ''हाकुबन्जा नियन्त्रण या, आपूर्ति व्यवस्था सहज या '', ''नाकाबन्दी अन्त्य या ।' आदि च्वयातःगु प्लेकार्ड ज्वना प्रदर्शन याःगु खः ।