जेनेभाय् उपप्रम कमल थापा थः हे वनीगु

स्वीट्जरल्याण्डया जेनेभाय् जुइगु ह्युमन राइट्स काउन्सिलया मुँज्याय् उपप्रम व परराष्ट्रमन्त्री कमल थापा थः हे वनीगु जूगु दु ।

मधेसी मोर्चानापया वार्ताया नितिं धकाः थापां भ्रमण रद्द यानाः कानून मन्त्री अग्नि खरेल वनीगु तयारी जूगु खःसां प्रम केपी शर्मा ओली व राजनीतिक संयन्त्रया संयोजक प्रचण्डया इनापय् थापा थःहे वनीगु जूगु दु ।

मधेसी मोर्चानापया वार्ता सकारात्मक जूगु व मानवअधिकारया अवस्थाबारे सलहल जुइगु जूगुलिं परराष्ट्रमन्त्री हे वनेगु पाय्छि जुइगु जूगुलिं वय्कः थःहे वनेत्यंगु खः धकाः धाःगु दु ।