ख्वपय् विराटया साहित्य मुँज्या क्वचाल

सदां कौलाथ्व द्वादशी व त्रियोदशी निन्हु यंक जुया वया च्वंगु विराट साहित्य सम्मेलन तःभुखाय् व थीथी हुनिं याना थुगुसिया न्यय्प्यंगूगु विराट साहित्य सम्मेलन द्वादशी छन्हु जक ख्वपया सिद्धपूखु पार्टी प्यालेस ने.सं. ११३५ कौलाथ्व द्वादशी खुन्हु क्वचाःगु दु । नेपालभाषा एकेडमीया कुलपति साहित्यकार भाजु चित्तरञ्जन नेपालीजुं त्वाःदेवाः च्याका न्ह्याःगु सम्मेलन गुथिया सल्लाहकार व बाखंच्वमि भाजु गोविन्दमान श्रेष्ठजुया नायोसुइ जूगु खः ।

उगु सम्मेलनय् थ्य‌ंमथ्यं स्वीन्याम्ह न्हूपिं व पुलापिं साहित्यकारपिसं च्वसु पाठ याःगु खः । नापं नेपाःया कुंकुलामय् वना ताःइलंनिसे भाषा, लिपि नापं नेवाः संस्कृति व सास्कृतिक ज्या स्यने कने यानावया च्वंम्ह भाजु कृष्ण प्रजापतिजुयात दोसल्ला गाः व दसि पौ लवल्हाना सम्मान याःगु खः ।

उगु हे दबुलिइ थुगुसिया एसएलसीइ नेपालभाषा विषयस दकले अप्पो ल्याःहया उत्तीर्ण जुया दीम्ह कन्या मा.वि.या मयजु सरिना महर्जनयात मेडल व दसि पौ लःल्हाःगु खः ।