स्यस्यः समाजं सत्यमोहन जोशीयात हन

स्यस्यः समाज यलया तःजिगु मुनां संस्कृतिविद् डा. सत्यमोहन जोशीयात हंगु दु । वय्कलं देशया कला, संस्कृति, पुरातत्व लगायत साहित्यिक ख्यलय् यानादीगु योगदानयात कदर यासें थुगु विशेष सम्मान पत्र लःल्हाःगु खः । सम्मान पत्र लःल्हाना कयादिसें जोशीें मांभाय् न्ववाये मफुसा संस्कृति मम्वाइगु खँ कनादिल ।

उगु मुनाय् ज्यापु समाज यलया नायः मंगल महर्जनं दक्व जातिलिसे समन्वय यानाः थीथी समस्या समाधानया लागि पहल यायेगु प्रतिबद्धता क्यनादिल । अथेहे यलया प्रमुख जिल्ला अधिकारी शसि शेखर श्रेष्ठं जातीय संगठनतय्सं आत्मियता व आत्मविश्वास अप्वयेकीगु खँ न्ह्यथनादिल । नेवाः समुदायया सामाजिक आर्थिक विकासलिसे परम्परागत कला, संस्कृति व भाषा म्वाकेगु उद्देश्यं वंगु दँय् स्यस्यः समाजया पलिस्था जूगु खँ संस्थाका नायः प्रा.डा. केदारलाल श्रेष्ठं कनादिल ।

More Stories Like this

मेरिल्याण्डय् लाखय् व पुलुकिसिलिसे हन येँयाः
मूलयात ग्वाहालि लःल्हात
मेहेन्दी च्वयेगु कासा जुइगु
मचातयत मां भाय् स्यनेगु संस्था नीस्वन
बिस्काः जात्राय् किपा कासा जुइगु