बज्राचार्य समन्वय परिषद्पाखें बज्राचार्यपिन्त हन

बज्राचार्य समन्वय परिषदं वंगु शनिवाः थनया नेपाः ब्याङ्क्वेटय् थीथी क्षेत्रय् आवद्ध बज्राचार्य व्यक्तित्वपिन्त हना ज्याझ्वः याःगु दु । परिषद्या नायः अनाररत्न बज्राचार्यया सभापतित्वय् जूगु उगु ज्याझ्वलय् मूपाहा“कथं राजनीतिज्ञ बुद्धिराज बज्राचार्य झायादीगु खः ।

निक्वःगु संविधानसभाय् सभासद् जुयादीम्ह मय्जु प्रभा बज्रँचार्य, बुद्धधर्म व बज्रयानया प्रचारप्रसार व धर्मदेशना बियाः योगदान बियादीम्ह प्रा.डा. नरेशमान बज्राचार्य, नेवाःतय्गु हक हित संरक्षण व जागरण हयेगु ज्या यानाच्वनादीम्ह सुजीव बज्राचार्य, अमेरिकाय् बौद्ध विहार दयेकेगु ज्या यानादीम्ह प्रज्ज्वलरत्न बज्राचार्य व मिस नेवाः उपाधि त्याकादीम्ह मय्जु एलिशा वज्राचार्यपिन्त हंगु खः ।

उगु हना ज्याझ्वलय् येँ, यल, ख्वप, किपू, थिमि, भ्वँतया बहाःया गुर्जुपिन्सं भिंतुना देछानादीगु खः ।

ज्याझ्वलय् नेपालभाषा परिषद्या नायः फणिन्द्ररत्न बज्राचार्यं बज्राचार्यपिं थौंया ईनाप न्ह्यायेमाःगु बिचाः प्वंकादिसें प्रशासनिक व राजनीतिक क्षेत्रय् नं बज्राचार्यतय्गु भूमिका तःधं जुइगु बिचाः प्वंकादीगु खः ।

किपा : नृपेन्द्रलाल श्रेष्ठ

More Stories Like this

मेरिल्याण्डय् लाखय् व पुलुकिसिलिसे हन येँयाः
स्यस्यः समाजं सत्यमोहन जोशीयात हन
मूलयात ग्वाहालि लःल्हात
मेहेन्दी च्वयेगु कासा जुइगु
मचातयत मां भाय् स्यनेगु संस्था नीस्वन