श्री केशचन्द्र महाविहार संरक्षण समाजं हन

श्री भाष्करदेव संस्कारित केशचन्द्रकृत पारावत महाविहार व श्री केशचन्द्र महाविहार संरक्षण समाज इतुंबहाःया ग्वसालय् २०६९ सालय् एस. एल. सी. तालापिंत व बाँसुरी स्यनामिंपिंत हनेगु ज्या शनिवाः इतुंबहाः विहारस क्वचाःगु दु ।

एस. एल. सी. तालापिं (आरती शाक्य, प्रश्मिता शाक्य, नसला शाक्‍य, उर्विन शाक्य, प्रत्यूषसम्बर शाक्य, प्रवेग शाक्य, सुगतमान शाक्य, श्रीया शाक्य, आरजु शाक्य, अभिशेष शाक्य, दिपेन्द्र शाक्य, वर्षा शाक्य व सुदिन शाक्य) १३म्हतय्त लुमन्ति चिं व हनापौ बिया हनेगु ज्या जुगू खः । नापं दक्लय् अप्व ल्याः हयादिम्ह मिज पाखें उर्विन शाक्ययात व म्हय् मिसा पाखें आरती शाक्ययात भगवान बुद्धया मुर्ति नापं लःल्हायेगु ज्या जुगू खः । अथेहे मूपाहाँ पाखें शानुमान शाक्य पाखें बाँसुरी स्यना ताःलाःकादिपिं १८म्हसित खादा क्वखाका हनेगु ज्या जुगू खः ।

ग्वसाखलःया कजि भाजु रुप कुमार शाक्यया नायसुइ जुगू थुगू ज्याझ्वलय् मूपाहाँ कथं सानुमान शाक्य झायादिगु उगु ज्याझ्वलय् लसकुस न्वचु श्री केशचन्द्र महाविहार संरक्षण समाजया सानुबाबु शाक्य बियादिगु खः । ज्याझ्वः न्ह्याकामिं भगबान शाक्य खः ।

किपा :- नृपेन्द्र श्रेष्ठ

More Stories Like this

मेरिल्याण्डय् लाखय् व पुलुकिसिलिसे हन येँयाः
स्यस्यः समाजं सत्यमोहन जोशीयात हन
मूलयात ग्वाहालि लःल्हात
मेहेन्दी च्वयेगु कासा जुइगु
मचातयत मां भाय् स्यनेगु संस्था नीस्वन