ओखलढुंगाय् नेपालभाषा कक्षा क्वचाल

ओखलढुंगा -सन्ध्या टाइम्स) लच्छि न्ह्यःनिसें नेवाः देय् दबूया ग्वसालय् थनया ओखलढुंगा बजारय् जुयाच्वंगु नेपालभाषा व नेपाल लिपि कक्षा सनिवाः क्वचाल । ज्याझ्वलय् प्रशिक्षक कृष्ण प्रजापतिं च्वयादीगु नेपालभाषाया उपन्यास नुगः दुनेया मि नं बिमोचन जूगु खः । सफू बिमोचन यानादिसें ओखलढुंगा जिल्लाया प्रमुख जिल्ला अधिकारी सुर्यबहादुर खत्रीं जातीय पहिचान कायम यायेगु निंतिं थज्याःगु भाषा प्रशिक्षण छगू बांलागु कुतः खः धयादिल ।
ओखलढुंगा क्याम्पसया क्याम्पस प्रमुख नारायणबहादुर सैंजूया सभापतित्वय् जूगु उगु ज्याझ्वलय् प्रशिक्षक कृष्ण प्रजापतिं न्हापां नेवाःतय्सं थःपिनि चिन्तन व सोचाइलय् हिउपाः हयेमाःगु खँ कनादिल । शिक्षाविद् धनराम श्रेष्ठं ल्याय्म्हतय्सं हे भाषा सयेकेत कुतः यायेमाःगु खँ न्ह्यथनादीगु उगु ज्याझ्वलय् प्रशिक्षार्थी प्रतिनिधि कथं जोगमाया श्रेष्ठ, प्रकाशनारायण राजभण्डारी व इन्दिरा प्रधानं नं थःपिनि नुगः खँ कनादीगु खःसा एकीकृत नेकपा माओवादीया प्रतिनिधि व नेकपा माओवादीया प्रतिनिधिपिंसं नं न्ववानादीगु खः ।

More Stories Like this

कन्याम इलामय् नेपालभाषा कक्षा न्ह्यात
धिमे बाजं व भाषा प्रशिक्षण ज्याझ्वः क्वचाल
थुर्पुय् स्वक्वःगु लाखे प्याखँ धेधेबल्ला
नेवाः देय् दबू ओखलढुंगा तदर्थ समिति स्वन
झुम्काय् धिमे बाजं प्रशिक्षण ज्याझ्वः न्ह्यात