विश्वकप फुटबलया ट्रफि नेपालय् हइगु

विश्वकप फुटबलया ट्रफि न्हापांखुसी नेपालय् हइगु जूगु दु ।
थ्वहे वइगु पुष ६ गते कोकाकोलां अखिल नेपाल फुटबल संघ एन्फालिसे सहकार्य यानाः विश्व फुटबलया दक्कलय् तःधंगु कासा विश्वकप फुटबलया ट्रफि येँय् हयेत्यंगु खः ।

भुटान जुयाः २१ डिसेम्बरय् उगु ट्रफि येँय् हयेत्यंगु कोकाकोलां बुधवाः पत्रकार सम्मेलन यानाः जानकारी बिउगु दु । उगु लुँया ट्रफि सुना नं थी मदइगु नापं आपालं नेपाःया फुटबल समर्थकतय्त ट्रफि स्वयेत मिलेयाइगु नं पत्रकार सम्मेलनय् जानकारी बिल । तर सुरक्षाया कारणयात ध्यानय् तयाः उगु ट्रफि गन तइ व गुकथं स्वयेगु व्यवस्था मिलेयाइ धइगु धाःसा जानकारी बिउगु मदु । थ्वहे झ्वलय् फुटबलया महान हस्ती ब्राजिलया पेले वा जर्मनीया लोथर म्यात्थुज मध्ये छम्हेस्यां ट्रफि ज्वनाः नेपाः वयेफूगु धाःगु दु ।

८८ गू देशया भ्रमण याकेगु झ्वलय् उगु ट्रफि नेपाः जुकाः भारतपाखे यंकी । उगु यात्रा विश्वकप २०१४ या ग्वसाः देय् ब्राजिलय् थ्यंकाः क्वचाइ ।

More Stories Like this

साफ च्याम्पियनसिप फुटबलय् नेपाल त्यात
विम्बल्डन च्याम्पियनपाखें सन्यासया घोषणा
किंग्स कप"या उपाधि मनांग मर्स्यांदीयात
मनांग "किंगस कप"या फाइनलय्
अन्तराष्ट्रिय च्याम्पियन्स कप रियल मेड्रिडयात