किंग्स कप"या उपाधि मनांग मर्स्यांदीयात

भुटानय् न्ह्यानाच्वंगु "किंग्स कप फुटबल"या उपाधि मनांग मर्स्यांदी क्लबं त्याकूगु दु ।

भुटानया राजधानी थिम्पुया चांगलिमिथांग रंगशालाय् आइतवाः जूगु कासाय् भुटानी लिग च्याम्पियन यिदजिन क्लबयात २ गूया विरुद्ध ४ गू गोलं बुकूसें उगु उपाधिइ कब्जा याःगु खः ।

कासाय् नेपाःया मनांगं ४ गू मिनेटय् हे गोल नःगु खः । अनपेक्षित कथं गोल नयेवं दबाबय् लाःगु मनांगया नितिं ३३ गू मिनेटय् विशाल राईया गोलपाखें बराबर जुइत ताःलात ।

न्हापांगु हाफय् १/१ गू गोलया बराबरी जूगु उगु कासाया ७० गूगु मिनेटय् यिदजिनं हाकनं अग्रता काःगु खः । तर उकिया ४ गू मिनेट लिपा घरेलु टोली यिदजिनया कासामिं आत्मघाती गोल यायेवं मनांग बराबरी जुइत ह्वःताः चूलात । थ्वहे झ्वलय् ८० गूगु मिनेटय् शिव श्रेष्ठं गोल यायेवं मनांग छगू गोलं न्ह्यःने लाःगु खःसा अतिरिक्त ईया अन्तिमय् दीपक राई गोल यायेवं मनांग मर्स्यांदी २ गूया विरुद्ध ४ गू गोलं कासा थःगु पक्षय् लाकाः उपाधि त्याकल ।

More Stories Like this

साफ च्याम्पियनसिप फुटबलय् नेपाल त्यात
विम्बल्डन च्याम्पियनपाखें सन्यासया घोषणा
विश्वकप फुटबलया ट्रफि नेपालय् हइगु
मनांग "किंगस कप"या फाइनलय्
अन्तराष्ट्रिय च्याम्पियन्स कप रियल मेड्रिडयात