किपुली मंकाः बाखं गोष्ठि

प्रतिभा साहित्यिक परिवार व बाखं दबूया मंकाः ग्वसालय् शनिवाः किपूया मंगल माध्यामिक विद्यालयस बाखं गोष्ठी जुल ।

प्रतिभा साहित्यिक परिवारया नायः ज्ञानबहादुर नेवाःया सभाध्यक्षताय् जूगु उगु ज्याझ्वलय् कवि राजभाई जकःमि मूपाहां कथं झायादीगु खः । गोष्ठीइ शरद कसाः, विद्या ताम्रकार, विमलप्रभा बज्राचार्य, सरस्वती तुलाधर, सौरभ शाक्य, कृष्णभक्त बोडे, गोविन्दमान श्रेष्ठ, नजरराम महर्जन, अर्जुन नेपाःमि, बुद्ध नेवाः शाक्य, तुयु पुं, बद्री बेदना, समुद्रदेवी ताम्रकार लिसेंया बाखं च्वमिपिन्सं थःथःगु बाखं ब्वनान्यंकादीगु खःसा गोष्ठी न्ह्यब्वःगु बाखंयात कयाः बाखं दबूया नायः नापं बाखं च्वमि लक्ष्मण राजबंशीं समीक्षा यानादीगु खः ।

ज्याझ्वलय् बाखं दबूया म्हसीका व तातुनाया बारे दुजः सुजीता माःजुं न्ववानादीगु खःसा दया खड्गी बेचैनपाखें बाखं ब्वँमिपिन्त भिन्तुना देछायादीगु खः ।

प्रतिभा साहित्यिक परिवारया दुजः नजरराम महर्जनपाखें सुभाय् देछायादीगु खः ।

(किपाः : ज्ञानबहादुर नेवाः)

More Stories Like this

काेरियाय् नेवाः भ्वय्, नम्रता श्रेष्ठयात हन
न्यूयाेर्कय् इहि
राजनीतिक दलतय् घोषणापत्र व नेवाः दृष्टिकोण
"वर्तमान राजनीतिक संन्दर्भय् नेवाः स्वायत्त राज्य" सम्बन्धि गोष्ठी
प्यंगु दः मंकाः समाजया तःमुँज्या क्वचाल