"हाइकु बारे सहलह व हाइकु न्यनेब्वने" ज्याझ्वः जुल

प्रतिभा समाजया दँमुज्या व सातोआकि इतो स्मृति दिवसया लसताय् 'नःलि' साहित्यिक पौया पिथनाया ग्वसालय् बुधवाः "हाइकु बारे सहलह व हाइकु न्यनेब्वने" ज्याझ्वः जुल ।

प्रतिभा समाजया नायः पद्मरत्न तुलाधरया सभाध्यक्षताय् जूगु उगु ज्याझ्वलय् हाइजिनपिं भूषणप्रसाद श्रेष्ठ, विमल ताम्रकार, सौरभ शाक्य, बद्री बेदना, दया खड्गी बेचैन, रेणु श्रेष्ठ, तुयु पुं, राजू स्यस्यः, सुरजबीर बज्राचार्य, विजयरत्न असंबरे, मंगलमान मानन्धर, मोक्ष बहादुर अमात्य, पुष्परत्न स्वीटहर्ट, महेशमान लँजुवाः नापं नीन्याम्हेसिनं थःपिनिगु हाइकु पाठ यानादीगु खः ।

ज्याझ्वलय् हाइकुया सैद्धान्तिक पक्ष व थुकिया प्रारम्भिक अवस्थाया बारे समाजया न्वकू डा. बज्रराज शाक्यं न्ववानादीगु खः ।

ज्याझ्वलय् ब्वना न्यंकूगु हाइकु व नेपालय् हाइकुया प्रवेशया बारे नांजाःम्ह समालोचक ईन्द्र मालीं समीक्षा यानादीगु खः ।

'नःलि' साहित्यिक लय्पौया प्रधान सम्पादक नरेशवीर शाक्यं ज्याझ्वःया तातुनायात कयाः ध्वाथुइकूसें थुकिं हाइकुया विकासय् तिबः जुइगु धयादीगु दु ।

ज्याझ्वलय् सातोआकि इतोया अबुं जापानीभासं हाइकु ब्वनादीगु खः ।

(किपा: नृपेन्द्रलाल श्रेष्ठ​)

More Stories Like this

काेरियाय् नेवाः भ्वय्, नम्रता श्रेष्ठयात हन
न्यूयाेर्कय् इहि
राजनीतिक दलतय् घोषणापत्र व नेवाः दृष्टिकोण
किपुली मंकाः बाखं गोष्ठि
"वर्तमान राजनीतिक संन्दर्भय् नेवाः स्वायत्त राज्य" सम्बन्धि गोष्ठी