किपुली रामशेखरया "तन्त्र ट्याब्लेट" क्यनीगु

नांजाःम्ह कलाकार, साहित्यकार रामशेखर नकःमिया लोकंह्वाःगु थी थी ख्यालःत मध्ये छगू "तन्त्र ट्याब्लेट" किपुली क्यनीगु जूगु दु ।

झी कलाकार रामशेखर नकःमि हना ज्याझ्वःया ग्वसालय् थ्वहे वइगु दिल्लागा पञ्चमी अर्थात साउन १२ गते रामशेखरयात तःजिक हनेगु झ्वलय् जुयाच्वंगु थी थी ज्याझ्वःया कथं वइगु शनिवाः दिल्लाथ्व १२ अर्थात साउन ५ गते कुन्हु किपूया कृष्ण क्याटरिंगय् थी थी साँस्कृतिक ज्याझ्वः जुइगु ग्वसाः खलःया दुजः रवि महर्जनं कनादीगु दु । वय्कलं बियादीगु जानकारी कथं उगु ज्याझ्वलय् रामशेखर नकःमिया तसकं लोकंह्वाःगु ख्यालः "तन्त्र ट्याब्लेट" नं क्यनेगु ग्वसाः दु । थ्व ख्यालःया निर्देशन रवि महर्जनं यानादीगु खः ।

साँस्कृतिक ज्याझ्वलय् किपूया नांजाःपिं कलाकारतसें थी थी म्ये व हुलाप्याखं नं क्यनीगु जूगु दु । आपालं आपाः कलाकारतसें थःथःगु प्रस्तुति न्ह्यब्वइगु उगु ज्याझ्वलय् किपूया लोकंह्वाःपिं कलाकार सतीश महर्जन, रीता महर्जन लिसेंया कलाकारतसें नं म्ये हालीगु ग्वसाः दुगु दुजः महर्जनं कनादीगु दु । (सन्ध्या टाइम्स)

Related Stories

किपुली रामशेखरया "तन्त्र ट्याब्लेट" क्यनीगु
रामशेखरयात हनेत सहलह

More Stories Like this

काेरियाय् नेवाः भ्वय्, नम्रता श्रेष्ठयात हन
न्यूयाेर्कय् इहि
राजनीतिक दलतय् घोषणापत्र व नेवाः दृष्टिकोण
किपुली मंकाः बाखं गोष्ठि
"वर्तमान राजनीतिक संन्दर्भय् नेवाः स्वायत्त राज्य" सम्बन्धि गोष्ठी