रातो बंगला स्कूलय् नेवा:भाय्

स्वनिग:या नां जा:गु स्कूल रातोबंगलाय् थुगु शैक्षिक दँ निसें नेपालभाषाया विषय ब्वंकीगु जूगु दु । आःया लागि चार क्लासनिसें नेपालभाषा ब्वंकेगु क्व:छिनागु खँ स्कूलया दाइरेक्तर मयजु शान्ता दिक्षितं कना दिल ।

मोदर्न नेवा: स्कूलया दिपक तुलाधर, शिक्षाविद डा. सुमन कमल, रातो बंगला स्कूलया इन्चार्ज दीपा दिक्षित व स्यनामि कृष्ण थापाया दथुइ नेपालभाषा ब्वंकेगु प्राविधिक खँय् सहलह नं जुल ।

रातो बंगला स्कूल नापं याना: आ: मुक्कं १००गुलिं मल्याक स्कूलय् नेपालभास दुथ्याःगु दु । थ्व हे झ्वलय् मल्पी स्कूल व जेम्स स्कूलय् नं नेवा:भाय् ब्वंकेत पहल जुयाच्वंगु जानकारी भाजु दीपक तुलाधरजुं बियादीगु दु ।