गोरखापत्रया प्रधान सम्पादकय् पुष्कर माथेमा

गोरखापत्र न्हिपौया प्रधानसम्पादक भाजु पुष्कर माथेमा नियुक्त जुयादीगु दु । गोरखापत्र संस्थानं वय्‌कःयात थौं वैशाख ३ गतेनिसें निमित्त प्रधानसम्पादकया रुपय् नियुक्त याःगु खः ।

गोरखापत्र न्हिपतिइ कार्यकारी सम्पादक (दशौँ तह) य् सेवा याना च्वनादीम्ह माथेमा २०४५ साल जेठय् उपसम्पादक पदय् थःगु ज्या न्ह्याकादीगु खः । थ्वयां न्ह्यः गोरखापत्र न्हिपौया सहप्रकाशन दी राइजिङ नेपालया प्रधानसम्पादक व युवामञ्च मासिकया सम्पादक जुयाः नं ज्या यानादी धुंकूगु दु ।

नेपालभाषाया छम्ह नांजाम्ह कलाकार व च्वमि वय्‌कलं व्यवस्थापनय् स्नातकोत्तर यानादीगु दुसा इन्टरनेशनल इन्स्टिच्युट अफ जर्नालिज्म, बर्लिनपाखें पत्रकारिता प्रशिक्षण कयादीगु दु ।

More Stories Like this

काेरियाय् नेवाः भ्वय्, नम्रता श्रेष्ठयात हन
न्यूयाेर्कय् इहि
राजनीतिक दलतय् घोषणापत्र व नेवाः दृष्टिकोण
किपुली मंकाः बाखं गोष्ठि
"वर्तमान राजनीतिक संन्दर्भय् नेवाः स्वायत्त राज्य" सम्बन्धि गोष्ठी