न्हापांगु ल्यापटप डिजाइनर मन्त

न्हापांगु ल्यापट डिनाइनर बिल मोरिड्ज मन्त । बेलायतया लोकंह्वाःगु औद्योगिक डिजाइनर बिलं सन् १९७१य् न्हापांगु ल्यापटप दयेकूगु खः ।

क्यान्सर ल्वचं कयाच्वंम्ह वय्कः शनिवार मदुगु खः । वय्कलं सन् १९७९ स अमेरिकी सेनाया लागि गि्रड कम्पास नांया कम्प्यूटरया डिजाइन यानादीगु खः । वय्कलं डिजाइन यानादीगु थुगु कम्प्यूटर न्हापाखुशी अमेरिकी सेनां न्यानाकाःगु खः । बोर्ड इन्स्टल यायेधुंकाः थ्व ल्यापटपया बजाःभाः च्याद्वः व सच्छि व न्यय्तका डलर तःगु खः ।

सन् १९६९ स बिलं लण्डनयात केन्द्रित याना दयेकूगु डिजाइन कम्पनी आः वया आइडियोया नामं बहूराष्ट्रिय कन्सल्टेन्सी जूगु दु । वय्कः स्ट्याण्ड फोर्ड विश्वविद्यालयया कन्सल्टिङ्ग एशोसिएट प्रोफेसर खः ।

More Stories Like this

छु दु आइफोन ५ य् ?
याहूं २ हजार कर्मचारीत कटौति याइगु
नेपालय् न्हापागु सौर्य–वायु मिश्रित प्रविधि
फेसबुकं मार्क जकरबर्गयात मुद्दा तयेगु ख्याच्वः
नीन्यागू 'झुर' पासवर्ड