प्रचण्डया दिमागयात कयाः न्ह्यसः प्रमया नितिं पौडेल उम्मेदवार : सुजाता

येँ (झीगु स्वनिगः)

नेपाली कांग्रेसया नेतृ सुजाता कोइरालां एकीकृत माओवादीया नायः पुष्पकमल दाहालया दिमाग सन्तुलनयात कयाः न्ह्यसः थनादीगु दु । प्रचण्डं न्हिइ प्यंगू कथंया खँ ल्हायेगु यानाः वयाच्वंगुलिं दिमागं ज्या मयात धकाः तायेकाः नेतृ कोइरालां धयादिल ‘माओवादीया नायः न्र न्हिइ हे प्यंगू कथंया खँ ल्हानाच्वंगुलिं देशया समस्या झन झन जटिल जुयाः वनाच्वंगु खः ।’

वय्कलं भावी प्रधानमन्त्रीया नितिं कांग्रेसया उपसभापति सुशील कोइरालाया नां तकं प्रस्ताव यानादीगु दु । येँय् म्हिगः आइतवाः जूगु छगू साक्षात्कार ज्याझ्वलय् न्वंवासें नेतृ कोइरालां अथे धयादीगु खः । कांग्रेसया बरिष्ठ नेता सुजाता कोइराला पार्टीया अभिभावकया रुपय् नालाः पार्टीयात सशक्त यायेगु भूमिका म्हिती धयाच्वंगु दु धयादिसें वय्कलं धयादिल ‘अभिभावक पार्टीयात सशक्त यायेगु नितिं न्ह्याः वनेमाः, उकिं उपसभापति पौडेलयात न्ह्यःने तयेगु दक्ले बांलाइ । पौडेलया नामय् थःपिनिगु पूर्ण समर्थन खः उकिं बचं बिइगु जुइ ।’