जोकोभिक व फेडरर दथुइ सेमीफाइनल जुइगु

शीर्ष वरियताया नोभाक जोकोभिक व स्वंगूगु वरियताया रोजर फेडरर विम्बल्डन टेनिस कासाया सेमिफाइनलय् धेंधेंबल्ला याइगु जूगु दु ।

खुक्वः तक विम्बल्डन उपाधि त्याकूम्ह स्वीस कासामि फेडररं नीखुगूगु वरियताया रुसी कासामि मिखाइल युज्नी यात बुकाः सेमीफाइनलय् दुहांवंगु खः । फेडररं युज्नीयात ६-१, ६-२ व ६-२ या तप्यंकं स्वंगू सेटं बुकूगु खः । थ्वहे झ्वलय् शुक्रवाः जुइगु सेमिफाइनल कासाया लागि साविक विजेत नोभाक जोकोभिकं फ्लोरियन मेयरयता ६-४, ६-१ व ६-४ या सेटं बुकाः फेडररलिसे म्हितीगु पक्का याःगु दु ।

आःतक फेडरर व जोकोभिक दथुइ जूगु कासाय् फेडरर १४-१२ या ल्याखं न्ह्यःने लानाच्वंगु दु । सर्वियन कासामि जोकोभिकं धाःसा आःतक न्याक्वःतक ग्राण्ड स्लामया सेमीफाइनलय् जूगु कासाय् धाःसा प्यक्वः त्याःगु दु । तर विम्बल्डन कासाय् धाःसा थुिपं निम्ह कासामि दथुइ कासा जूगु मदुनि ।

More Stories Like this