"सिद्धिचरण विशेष ल्याः" व मय्जु मन्दिरा प्रधानया "लुमन्तिया किपा" पितब्वज्या

साहित्यरत्न एवं युगकवि सिद्धिचरण श्रेष्ठया शतवार्षिकीया लसताय् नेपाल भासा साहित्यिक पत्रिका नःलि "सिद्धिचरण विशेष ल्याः" व नःलि प्रधान सिरपाया सिरपादाता मय्जु मन्दिरा प्रधानया "लुमन्तिया किपा" चिनाखँ सफू पितब्वज्या जुल । शनिवाः चेम्वर भवन कान्तिपथलय् जूगु उगु उलेज्याझ्वलय् सिद्धिचरण विशेष ल्याः रवीचरण श्रेष्ठ व लुमन्तिया किपा चिनाखँ सफू चित्तरन्जन नेपाली पितब्वज्या यानादीगु खः ।
नःलिया सम्पादक व प्रकाशक नरेशवीर शाक्य नायसुइ जूगु उगु ज्याझ्वलय् लसकुश न्वंचु दर्शनवीर शाक्य बियादिगु खः । उगु ज्याझ्वलय् रविचरण श्रेष्ठं युगकवि सिद्धिचरण श्रेष्ठया साहित्यिक जिवनी व नेपाल भासाप्रति दूगु मतिनाया बारे धायादिगु खःसा चित्तरन्जन नेपाली मन्दिरा प्रधानं थम्ह थःयात दयेकादिम्ह छम्ह संघर्षशील म्हिसा खः धयादिल । उगु ज्याझ्वलय् पद्म रत्न तुलाधार डा. पुष्पराज राजकर्णिकार थीथीं ब्यक्तित्व थःथःगु नुगः खँ प्वंकादिगु खः ।

More Stories Like this