नेपालभाषा परिषद्या थीथी ज्या

येँ (सन्ध्या टाइम्स)/नेपालभाषा परिषद् नायः फणीन्द्ररत्न बज्राचार्यया अध्ययक्षताय् नकतिनि च्वंगु कार्यसमितिया बैठकं थीथी ज्याझ्वः यायेगु निर्णय यात ।

नेपालभाषा परिषद्या ज्याझ्वः ताः लाकेत खुगू उप समिति गठन याःगु दु। उकी समारोह प्रबन्ध, पत्रिका सफू प्रकाशन, आर्थिक व्यवस्थापन, भण्डार व मर्मत तथा सम्भार, अनलाइन पत्रिका व वेब साइट, साहित्यिक संघसंस्था समन्वय व संग्रहालय व्यवस्थापन उपसमिति गठन याःगु खः। थ्व उपसमितिं छम्ह छम्ह संयोजकया नेतृत्वय् ज्या न्ह्याकी। उपसमितिया दुजःपिं नेपालभाषा परिषदया हे दुजःतपाखें ल्ययेगु निर्णय नं यात। लिसें चित्तधर सिरपाःया विषयय् नं व्यापक सहलह जुल ।

वैशाखया न्हापांगु वालय् गुञ्जन नारी साहित्यिक संस्थानाप जानाः 'विगत र वर्तमानमा नेपाली कथाको अवस्था' बारे साहित्यकार रजनी ढकालं ज्यापौ न्ह्यब्वइगु ज्याझ्वः तःगु दु। ज्याझ्वः नेपालभाषा परिषदया ज्याकुथी जुइ ।