विश्वन्यंक हनाच्वन भ्यालेन्टाइन्स डे

थौं फेब्रुअरी-१४ तारिख, भ्यालेन्टाइन्स डे । सेन्त भ्यालेन्टाइनया नामय् मतिना याइपिं दथुइ गुलाफया स्वां नापं गिफ्ट एक्सचेञ्ज यानाः विश्वन्यंकं थुगु दिवस हनाच्वंगु दु । नेपालय् नं ल्याय्‌म्ह ल्यासेत थुगु दिवस तःजिक व झःझःधायेक हनाच्वंगु दु ।

स्वंगूगु शताब्दी पाखे सेन्ट भ्यालेन्टाइन इशाई धर्मालम्बी जूगुलिं तत्कालीन रोमन जुजु क्लडियसं वयात धर्म परिर्वतन यायेत तःक्वः इनाप याःसां असफल जुइवं सेन्ट भ्यालेन्टाइनयात जेलय् कुनाः लिपाः स्याःगु खः ।

सेन्ट भ्यालेन्टाइनयात जेलय् कुनातःगु इलय् वयाः मतिना जेलरया कांम्ह म्हाय् नाप जूगु व लिपा वया हे मतिनां यानाः जेलरया म्हाय्या मिखा ठिक जूगु विश्वास दु । सेन्ट भ्यालेन्टाइनयात स्यायेत छन्हू न्ह्यः वं थः मतिनामियात छपू पौ छ्वःगु व उकीया अन्तय् 'छंगू भ्यालेन्टान' धकाः च्वयातःगु खः ।

लिपा थ्वहे सेन्ट भ्यालेन्टाइनया लुमन्तिइ पोप गिल्यासियक प्रथमं इश्वी संवत ४९६ निसें मतिना दिवस अर्थात भ्यालेन्टाइन्स डे धकाः न्याकेत शुरु याःगु खः । थुगु न्हि स्वां, पौ आदि बियाः भ्यालेन्टाइन्स डे न्याके शुरु जूगु खः ।

अथेहे थौं यक्वः हे मतिनामित थःपिनिगु ताःईतकया मतिनाया कामना यायेत मतिनाया प्रतीक कथं कयातःगु पाल्पाया रानी महलय् तकं वनेगु या । पाल्पाया बौघागुम्बा कालीगण्डकीया तीरय् राणा खड्ग शमशेरं रानी तेजकुमारीया लुमन्तिइ दयेकूगु रानीमहलय् थ्यंपिं मतिनामि जोडीं इमिगु थें हे ताःई तकया मतिनाया कामना यायेगु याइ ।

भारतया सम्राट शाहजहां थः मदुम्ह रानी मुमताजया लुमन्तिइ आगराय् ताजमहल दयेकाब्यूगु दुसा नेपाःया राणा खड्गशमशेरं रानी तेजकुमारीया लुमन्तिइ पाल्पाय् रानीमहल दयेकाब्यूगु दु । भारतया ताजमहल यमुना खुसिया सिथय् दुसा नेपाःया रानीमहल कालीगण्डकीया सिथय् दु । विक्रम संवत् १९४९ य् रानी तेजकुमारी सीवं वयं थें जूम्ह खड्गशमशेरं वय्कया लुमन्तिइ रानीमहल दयेकूगु खः । ताःई तक खड्गशमशेर उगु हे रानीमहलय् च्वनेगु द्यनेगु याःसां परिस्थिति अनुकूल मजुइवं वय्कः भारत पलायन जूगु खः ।

More Stories Like this

यौन स्वास्थ्य छाय् माः झीत?
मिस ज्यापु ब्यूटि पेजेन्ट २०१२ जुइगु
अमेरिकाय् सेक्स यायेगु झिंन्यागू थाय्
खनेदुगु पेन्टी
विश्वन्यंक हनाच्वन मतिना दिवस