थौं विश्व वातावरण दिवस

थौं जून ५, विश्व वातावरण दिवस । नेपालय् नं थुगु दिवस थीथी ज्याझ्वलिसे हनाच्वंगु दु ।

थ्वहे झ्वलय नेपाल रिभर कन्जरर्भेसन ट्रस्टया ग्वसालय् थनया शोभाभगवति च्वंगु विष्णुमति खुसीइ फोहर चीका सफा याःगु दुसा थीथी थासय् सरसफाइ ज्याझ्वः तयातःगु दु ।

अथेहे 'वर्क टुगेदर नेपाल' नांया गैर सरकारी संस्थां प्लास्टिक ब्याग मछ्यले धैगु नारालिसें १२ हजार सही मुंगु दु । थौं न्हिनसिया साढे २ बजे सिंहदरवारस्थित विज्ञान, प्रविधि व वातावरण मन्त्रालयस थ्व सही बुझे यायेगु ज्याझ्वः दयेका तःगु दु । उगु सहि संकलन वातावरण मन्त्रीया प्रतिनिधि कथं सचिव उमेशप्रसाद मैनालीं बुझे याना काइगु खँ नेपालमण्डलयात प्राप्त विज्ञप्तिइ न्ह्यथनातःगु दु ।