ह्याकर विरूद्ध इजरायलं कडा पलाः ल्ह्वनीगु

इजरायया सरकारं थःगु हजारौं नागरिकतय् क्रेडिट कार्ड ह्याक यानाः विवरण सार्वजनिक याइम्‍ह ह्याकर विरुद्ध कडा पलाः ल्ह्वनीगु जूगु दु ।

इजरायल सरकारं थ्वः ज्यायात आतंकवादी गतिविधिया संज्ञा बिउसें क्रेडिट कार्डया विवरण अनलाइन मार्फत सार्वजनिक याःम्ह ह्याकरयात मत्वतेगु खँ धाःगु दु । छुं दिं न्ह्यः साउदीया छम्ह ह्याकरं इजरायया नागरिकतय् गोप्य तथ्याङक इन्टरनेट साइटलय् तयाबिगु खः ।

झण्डै प्यंगू लख नागरिकतय् गोप्य विवरण सार्वजनिक यानाबिउगु थ्व काण्डयात इजरायया अधिकारीतय्सं तःधगु हमलाया कथं काःगु दु । ओक्सोमार नांया ह्याकरं खुया सार्वजनिक याःगु विवरणं तःधःगु आर्थिक क्षति मजूसां खुया काःगु तथ्याङक यहुदी पृथकतावादीतय्सं दुरूपयोग याये फइगु खँ इजरायया प्रहरीं धाःगु दु ।

More Stories Like this