‘त्याग’या सुटिङ अन्तिम चरणय्

वीरेन्द्र ताम्रकारया निदर्ेशनय् दयेकेज्या जुयाच्वंगु 'त्याग' संकिपाया सुटिङ अन्तिम चरणय् थ्यंगु खँ निर्माण पक्षं जानकारी ब्यूगु दु । 'सुटिङ विचा: याना कथं न्ह्‍यइपुक न्ह्‍यात' निदर्ेशक ताम्रकारं कनादी । सुटिङय् ब्वति कयादीपिं कलाकारपिसं नं 'त्याग'या सुटिङ बांलाक्क न्ह्‍या:गु खँ धयादीगु ख: ।

खस नेपाली भाय्‍या संकिपाया लोकंह्‍वा:म्ह नाय: धीरेन शाक्य न्हापांखुसी नेपालभाषा संकिपाय् म्हितूगु 'त्याग'य् राजमति हिसिला महर्जन व भिंतुना जोशीया मू भूमिका दु । अथेहे लक्ष्मी गिरी, सुशिल राजोपाध्याय, मञ्जु श्रेष्ठ, मोहिद्दीन खान व मेमेपिं कलाकारपिसं नं थुकी थीथी भूमिका म्हितादीगु दु । वीरेन्द्र ताम्रकारं ता: र्इ न्ह्‍य:निसें संकिपा निर्माण, निदर्ेशन यायेगु खँ पिहाँ वयाच्वंगु ख: । उकिं 'त्याग' संकिपाया नितिं यक्व हे होमवर्क नं जूगु जुइमा: धका: समीक्षकपिसं अनुमान या:गु ख: । 'त्याग' संकिपाया छायांकन, सम्पादन शंकर महर्जनं यानाच्वनादीगु दु ।

More Stories Like this