जलवायु सम्मेलनय् नेपाःया नं ब्वति

मलेसियाया टेकोङ्लोगी विश्वविद्यालय् जुइत्यंगु जलवायु ह्यूपा सम्बन्धी सम्मेलनय् नेपालं नं ब्वति काइगु जूगु दु । वइगु नोभेम्बर १०य् सुरू जुइगु उगु सम्मेलनय् कोरियाय् अध्ययनरत नेपाःमि बिन्दु मल्लं प्रतिनिधित्व यायेत्यंगु खः । एसिया फल्क्स वर्कसप २०११ नां बियातगु उगु सम्मेलनय् नेपाः नापं कोरिया, सिङ्गापुर, मलेसिया, चीन व जापानया ल्याय्म्ह बैज्ञनिकतंय्सं ब्वति यायेत्यंगु खः ।

कोरियाया योन्सेइ विश्वविद्यालयय् जलवायु परिवर्तन सम्बन्धी विषयस विद्यावारिधी यानाच्वनाच्वम्ह आस्था बिन्दु मल्लं सम्मेलनय् नेपाःया प्रतिनिधित्व यायेत्यगु खः । कोरियाय् च्वंगु नेपाली विद्यार्थीतय्गु मंकाः संगठन सोन्सिकया सभापति नापं जुयादीम्ह मल्लं सम्मेलनय् जलवायु परिवर्तन व थुकिया लिच्वःबारे अनुसन्धानमूलक तथ्यांक न्ह्यब्वयादी । उगु सम्मेलनय् ल्याय्म्ह वैज्ञानिकतय्सं जलवायु परिवर्तनया कारण, थुकिया लिच्वः व समाधानया उपायया विषयस थःथःगु कार्यपत्र न्ह्यब्वइगु ज्याझ्वः दु ।

More Stories Like this

छु दु आइफोन ५ य् ?
न्हापांगु ल्यापटप डिजाइनर मन्त
याहूं २ हजार कर्मचारीत कटौति याइगु
नेपालय् न्हापागु सौर्य–वायु मिश्रित प्रविधि
फेसबुकं मार्क जकरबर्गयात मुद्दा तयेगु ख्याच्वः