किपुलिइ नं न्हूदँया र्‍याली

दँय्दसं थें थुगुसी नं नेपाल संवत् ११३२ न्हूदँया लसताय् भिंतुना जुलस पिदन । भिंतुना र्‍याली यायेगु त्वाःत्वाःया पाःपाः कथं थुगुसी चाफः (क्वछें)त्वालं र्‍याली पिथंगु खः । नेपाल संवत् नीस्वनादीम्ह राष्ट्रिय विभूति शंखधर साख्वाःया मूर्तियात प्यम्हेसिनं कुबिया र्‍यालीचाःह्यूगु खः । थीथी त्वाःया बाजंलिसें क्लव, संघ, संस्थातय्सं ब्वतिकाःगु र् याली किपू देय् चाःह्यूगु खः ।

न्हूदँया हे झ्वलय् थुगुसीया ग्वसा खलः चाफ (क्वछें) त्वालं थीथी सांस्कृतिक ज्याझ्व:, नेवाः भ्वय् व चिठ्ठाया ज्याझ्व: नं याःगु खःसा न्हूदँया नगुमा (क्यालेण्डर) नं पिथंगु दु ।

More Stories Like this