प्रम भट्टराई नेपाः लिथ्यन

राष्ट्रसंघया ६६ औं महासभाय् ब्वति कयाः प्रधानमन्त्री डा. बाबुराम भट्टराई थौं सुथय् नेपाः लिथ्यन । थौं सुथय् ९ बजे कतार एयरवेजया बिमानपाखें प्रधानमन्त्रीसहितया टोली त्रिभुवन अन्तराष्ट्रिय बिमानस्थल लिथ्यंगु खः ।

प्रधानमन्त्रीलिसे वंगु १३ सदस्यीय टोलीमध्ये ९ म्ह थौं लिहां वःगु खःसा उपप्रधानमन्त्री एवं परराष्ट्रमन्त्री नारायणकाजी श्रेष्ठसहित मेपिं प्यम्ह धाःसा राष्ट्रसंघका बाँकी ज्याझ्वः सिधयेकाः लिहां वइगु धाःगु दु ।