एएफसी अण्डर १६ य् नेपाः सिरियालिसे २ - ० बुत

(झीगु स्वनिगः)

येय् म्हिगःनिसें एएफसी अण्डर १६ या समूह 'घ' या छनौट चरण धेंधेंबल्लाः कासा न्ह्याःगु दु । उलेज्याया न्हापांगु दिं दशरथ रंगशालाय् जूगु न्हापांगु धेंधेंबल्लाः कासाय् नेपाः सिरियालिसे दुई शून्यं बूगु खः ।
धेंधेंबल्लाः कासा न्ह्याःगुया निगू मिनेटय् हे सिरियां गोल यानाः थःपिनिगुपाखें खाता चायेकूगु खः । धेंधेंबल्लाः कासाया च्यय्निगूगु मिनेटय् सिरियां हाकनं मेगु गोल यानाः नेपाःयात निगूया विरुद्ध शून्य गोलं बुकूगु खः ।

सिरियाया कासामि अहमत अस्करं कर्नर किक्या सदुपयोग याना बलयात गोल पोष्टया जाली थिइत ताःलाःगु खः । अथेहे निगूगु गोल अब्दुल रजाकं याःगु खः । थ्व स्वयाः न्ह्यःया धेंधेंबल्लाः कासाय् नेपालं उत्कृष्ट प्रदर्शन याःसां नं म्हिगःया धेंधेंबल्लाः कासाय् धाःसा कमजोर प्रदर्शन याना नेपाःमि खेलप्रेमीपिंत निरुत्साहित यायेत बाध्य जूगु खः । नेपाःया उत्कृष्ट स्ट्राईकर रिषी थापा व रुङ्रीहाङ राईयात मैदानय् शुरुइ हे मछ्वयाः नेपालं कमजोर परिणाम फयेमाःगु खः ।

अथेहे, हलचोकस्थित मैदानय् साउदी अरेबिया व ओमानदथुइ जूगु धेंधेंबल्लाः कासाय् साउदी अरेबियां ओमानयात ३ - ० गोलं बुकूगु दु । समूह 'घ' सं नेपाःलिसे साउदी अरब, ओमान व सिरिया लाःगु दु ।

More Stories Like this

शहीद स्मारक 'बि' डिभिजन लीगय् वीरगञ्ज व युथ क्लबं त्याकल
जापान सेमि मिसा विश्वकपया फाइनलय् थ्यंकेत ताःलात
थ्रीस्टार आर्मीनाप बुत
विश्वकप फुटबल कासाया नितिं नेपाः छनौटय्
सहिद स्मारक 'ए’ डिभिजन लिगया म्हिगःया कासाय् पुलिस व हिमालयन क्लबं त्याकल