आः नेपालय् नं गुगलया क्याश सर्भर

हलिमय् लोकह्वाःगु सर्च इन्जिन गुगलं नेपालय् नं थःगु छगू क्याश सर्भर तःगु दु । नेपाल टेलिकम व गुगल नाप जानाः नेपाल टेलिकमया जावलाख्यःया ज्याकुथी थुगु सर्भर तःगु खः ।

माःगु दक्व खर्च गुगलं व्यहोरे याःगु थुगु सर्भर आःया लागि परिक्षणय् लानाच्वगु दु । थ्व सर्भरं दयेधुंकाः नेपालय् च्वपिं गुगल छ्यलामित गुगलया सेवा कायेत सदां अमेरिकाय् च्वंगु सर्भरतक थ्यंकाच्वने माली मखुसा अस्थायी रुपं डाटा नेपाःया सर्भरय् क्याश जुइगुलिं जिमेल, गुगल सर्च इन्जिन व युट्युव न्हापासिवें बांलाक व याकनं ज्या याइ ।

नेपालय् थ्व सर्भर तयेत माःगु लिज्डलाइन सिंगापुर तक तःगु दु । गुगलया सर्भर गथेयानाः न्ह्याकेगु बारे प्राविधिक ज्ञान बिइत अमेरिकाय् च्वपिं प्राविधिकत नेपालय् वयेधुंकगु खँ नेपाल टेलिकमं धाःगु दु । नापं गुगलया सेवा कायेत अमेरिकाय् च्वगु सर्भरतक थ्यंके म्वागुलिं ब्यान्डविथ म्हो जुइगु जुयाः नेपाल टेलिकमया ब्यान्डविड खर्चय् म्हः चाइगु खँ नं धाःगु दु ।

More Stories Like this

छु दु आइफोन ५ य् ?
न्हापांगु ल्यापटप डिजाइनर मन्त
याहूं २ हजार कर्मचारीत कटौति याइगु
नेपालय् न्हापागु सौर्य–वायु मिश्रित प्रविधि
फेसबुकं मार्क जकरबर्गयात मुद्दा तयेगु ख्याच्वः