अमेरिका व बेलायतया गुप्तचर एजेन्सीया गद्दाफीलिसे साँठगाँठ

लिबिया (एएफपी)

लिबियाया गुप्तचर एजेन्सीलिसे अमेरिका व बेलायतया गुप्तचर एजेन्सीतय्गु सााठगााठ दुगु तथ्य सार्वजनिक जूगु खः । मानवअधिकारवादी संस्था ह्युमन राईटस् वाचया कथं अमेरिकी गुप्तचर एजेन्सी सीआईएं संदिग्ध चरमपन्थीयात न्यनेकने यायेत लिबिया छ्वःगु खः । तर सीआईएं धाःसा द्वपंया विषयलय् टिप्पणी यायेत अस्वीकार याःगु खः । ह्युमन राइटस् वाचया कथं गद्दाफीया पुलांम्ह गुप्तचर प्रमुख मुसा कुसाया ज्याकुथिइ प्राप्त दस्तावेजपाखें चरमपन्थी विरुद्धया संघर्षया भmवलय् अमेरिका व बेलायतया गुप्तचर विभागं लिबियाया अधिकारीलिसे बांलाःगु स्वापू तःगु खः ।

लिबियाय् विद्रोहया शुरुवातया दिं खुन्हु हे मुसा बिस्युं वनाः बेलायत जुयाः कतार थ्यंगु खः । दस्तावेजत लिबियाया गुप्तचर प्रणाली बेलायतया एमआई ६ व अमेरिकाया सीआईएया विश्वासिलो ग्वाहालि जूगु इलय् जूगु जानकारी ब्यूगु खः । तर, प्राप्त द्वलंद्वः दस्तावेजया स्वतन्त्र जााच धाःसा जूगु मदु । संयुक्त राष्ट्रसंघया मू छ्याञ्जे बान कि मुनया विशेष सल्लाहकार इयान मार्टिन शान्ति सुव्यवस्था कायमया नितिं राष्ट्रसंघया ग्वाहालिया सन्देश कयाः टि्रपोली थ्यंगु इलय् थज्याःगु तथ्य सार्वजनिक जूगु खः ।

More Stories Like this

दक्षिणी अफगानिस्तानय् नीम्ह तालिवानपाखें आत्मसमर्पण
भारतया उडिसाय् चलखं झिंखुम्ह सित
रुसं सिरीयाया चिकं मन्यायेगु विषययात कयाः कुंखिन
जापानय् न्ह्यगू दशमलव छगू रेक्टरया भुखाय्
सुडान काल न्हूगु देय्या मान्यता