दौरा सुरुवाः अनिवार्य पुनेमाःगु फैसलाया विरोध

न्यागू मधेसवादी दलतय्गु मोर्चा संयुक्त लोकतान्त्रिक मधेसी मोर्चां औपचारिक ज्याझवलय् राष्ट्रिय वसः दौरा सुरुवाः अनिवार्य पुनेमाःगु सर्वोच्च अदालतया फैसलाया विरोध याःगु दु ।

सिंहदरवारय् आइतवाः च्वंगु मोर्चाया बैठकं नेपाः थीथी संस्कृति दुगु देय् जूगु धासें दौरा सुरुवाः पुनेमाःगु सर्वोच्चया आदेश अस्वीकार यायेगु क्वःछिउगु खः ।

ज्याझ्वलय् सद्भावना पार्टीया ल्यू नायः लक्ष्मणलाल कर्णं देय् संघीयताय् वंगु इलय् छगू भाषा छगू भेषया नीति लागू यायेगु निर्णय स्वीकार्य मजूगु धयादिल । सर्वोच्च अदालतं वंगु साउन ३२ गते औपचारिक ज्याभुवलय् अनिवार्य दौरा सुरुवाः पुनेमाःगु फैसला न्यंकूगु खः ।