प्रसुति अस्पतालं नेपालय् हे न्हापांखुसिइ टेष्ट ट्युब बेबी सेवा
येँया थापाथलीइ च्वंगु प्रसुति अस्पतालं सरकारी स्तरय् नेपालय् हे न्हापांगु खुसिइ टेष्ट ट्युब बेबी सेवा न्ह्याकूगु दु ।
थःगु न्यय्निक्वःगु पलिस्था दिवसया लसताय् अस्पतालं आइतवाःनिसें उगु सेवा न्ह्याकूगु खः । अस्पतालय् आइतवाः याःगु ज्याभुवलय् प्रधानमन्त्री झलनाथ खनालं सेवाया उलेज्या यानादिल । थ्व स्वयाः न्ह्यः नीजि अस्पतालय् थिकयेक शुल्क पुलाः सेवा कयाः वयाच्वंिपं सर्बसाधारणं आः धाःसा दंक भावय् हे टेष्ट ट्युब बेबीया सेवा कायेदइगु जूगु दु ।
प्रसुति अस्पतालया निर्देशक डा. लता बज्राचार्यं आवंनिसें सर्बसाधारणं छगूत्या लख तकां टेष्ट ट्युबया सेवा कायेफइगु जानकारी बियादिल । निर्देशक बज्राचार्यया कथं थौंकन्हय् भारतीय चिकित्सकपाखें उगु सेवा न्ह्याकूसां नं छुं दिं दुने हे स्वदेशया हे चिकित्सकतपाखें सेवा न्ह्याकीगु खँ धाःगु दु ।
ग्रामीण तहया मिसातक्क निःशुल्क प्रसुति सेवा बीत व नवजात शिशुयात निरन्तर स्वास्थ्य सेवा बिइगु उद्देश्यं २०१६ सालय् प्रसुति गृह पलिस्था याःगु खः ।
