थनिंनिसें एसएलसी पूरक परीक्षा

परीक्षा नियन्त्रण ज्याकू सानो थिमिं न्हापा घोषणा याःकथं थनिंनिसें ३० गते तक एसएलसी पूरक परिक्षा न्ह्याःगु दु । उगु परिक्षाय् छगू लख नीनिद्वः न्यासः व न्याम्ह विद्यार्थीतय्सं ब्वति काइगु परीक्षा नियन्त्रण ज्याकुथिं न्ह्यथंगु दु ।

परीक्षा नियन्त्रक सूर्यप्रसाद गौतमं देय्न्यंक निसः व नीस्वंगू केन्द्रय् जुइगु परीक्षाय् दकलय् अप्वः परीक्षार्थीत गणितय् ख्वीप्यद्वः न्यासः व झिंन्हय्म्ह विद्यार्थीत दुगु जानकारी बियादीगु दु ।

परिक्षा नियन्त्रक गौतमं परीक्षायात मर्यादीत दयेकेत सकलसित इनाप यानादीगु दु । नापं परीक्षा नियन्त्रण ज्याकुथिं अनियमितता याइपिन्त तत्काल कारवाही यायेत जिल्ला परीक्षा समन्वय समितियात उजं बिउगु दु ।